Дейл Карнеги: Чи тавр ташвишу хаячонро пушти сар кунем?

Дейл Брекенриҷ Карнеги (Dale Carnegie) нависанда ва суханрон, 24 ноябри соли 1888 дар иёлоти Миссируии Амрико таваллуд шудааст. Ӯ дар хонаводаи кишоварз ба дунё омад ва фақр танҳо чизе буд, ки ӯ аз кӯдакӣ ба ёд дорад. Дейл Карнеги даврони кӯдакии худро бо сахтӣ гузаронид. Ӯ барои таҳсилоти пас аз мактабӣ ба Коллеҷи иёлоти омӯзгорон дар Миссируи рафт ва дар онҷо машғул ба таҳсил шуд. Баъд аз такмили таҳсилоташ, масъули омӯзиш ва бо чандин корхонаҳо ҳамкори барқарор намуд. Ӯ тавонист дар касбу кори къчаки худ бисёр муваффақ бошад ва ҳудуди дувоздаҳ ҳазор доллар пасандоз ҷамъ кунад.

Соли 1911 буд, ки ӯ фурӯшандангиро раҳо кард ва ба шуғли рӯъёияш, яъне тадрис ва суханронӣ машғул шуд. Дар ҳамин сол буд, ки ба маркази саводомӯзии бузургсолон пайваст ва дар он ҷо суханронии ба ёдмондан эрод кард. Ин суханронӣ сабаби шӯҳрати ӯ шуд. Мунаққидони осораш ҳамин нутқи ирошудаи Карнегиро нуқтаи шурӯи кори ӯ медонанд.

Дейл Карнеги дар Ҷанги ҷаҳони аввал ба артиши Амрико пайваст. Ӯ баъд аз хидмат ба унвони сарбози артиш ба Ню-Йорк бозгашт.

Дейл Карнеги дар таърихи 1 ноябри соли 1955 дар Форест-Ҳилси Амрико ҷони худро аз даст дод. Аммо шогирдон ва осори муҳиммеро барои ҷаҳониёни баъд аз худ барҷой гузошт.

Китоби “Чӣ тавр ташвишу ҳаяҷонро пушти сар кунем то ҳаётамон орому шод гузарад? ” яке аз беҳтарин осори ӯ ба шумор меравад, ки дар даст доред.